domingo, 13 de novembro de 2011

Komunidadi Timor Iha Peterborough Hamutuk Iha Missa Santa Cruz Nian



Komunidadi Timor iha Peterborough, UK, selebra tinan 20 massakre Santa Cruz, iha missa kantada halo iha Igreja St. Peter and All Soul’s, Peterborough, iha loron Sabadu, 12 de Novembro de 2011, tuku 7.30 kalan.



Ema liu atus ida maka tuir missa nebe halo ho lian Portuguez, deriji hosi Padre Tony Philpot, no grupo koral komunidadi Timor deriji hosi Cristovao da Costa anima missa ne’e.

Iha homilia, Padre Tony dehan: “massakre Santa Cruz husik hela memoria ba Timor oan hotu, liu hosi missa maka hanesan dalan diak liu hodi bele hanoin maluk sira nebe mate iha massakre nia laran”.

Sobreviventi no testemunha hosi massakre Santa Cruz barak maka oras ne’e servisu iha sidadi Peterborough, UK.

Desde Timor Leste proklama independensia iha 2002, oras ne’e Timor oan lubun wain husik hela rai Timor hodi buka servisu iha sidadi Peterborough, UK. Maioria servisu iha fabrika no labarik sira okupa sira nia tempu iha eskola.

Timor Leste Nia Expozisaun Iha Peterborough Central Library

Duranti loron 5, komesa loron 7 to'o 12 fulan Novembro, komunidadi Timor iha Peterborough halo expozisaun iha Peterborough Central Library.

Obrjektivu hosi expozisaun ne'e: 1. Hodi hatudu produtus no historia Timor Leste nian. 2. Hanesan parti hosi integrasaun komunidadi Timor iha diversidadi komunidadi Peterborough, no, 3. Hanoin hikas tinan 20 massakre Santa Cruz.

Texto: Celso Oliveira,
Foto: Ana Rosa

Sem comentários:

Enviar um comentário