quarta-feira, 21 de novembro de 2012

The Christmas Lights Switch On in Peterborough

At 6pm on 17th November 2012















All pictures taken by: Celso Oliveira

segunda-feira, 12 de novembro de 2012

12 de Novembro 2012 Selebra Iha Peterborough

 Manuel Soriano, DJ Timoroan
 Membru Komunidadi
Timoroan iha Peterborough

Komunidadi Timor iha Peterborough organiza halibur hamutuk Timoroan iha Peterborough hodi hanoin hikas tinan 21 Masakre Santa Cruz, iha loron Domingo, 11 de Novembro 2012, iha Beehive Community Centre, Peterborough.

Duranti halibur hamutuk, komunidadi hare'e fila fali film masakre Santa Cruz, halo refleksaun konaba prezensa iha Peterborough, han-hemu no ikus liu dansa.

Manuel Soriano alias Amanu DJ Timoroan iha Peterborough anima komemorasaun masakre Santa Cruz.

Iha 12 de Novembro de 1991, klosan Timor halo manifestasaun pasifika hosi Igreja Motael to semiteriu Santa Cruz nebe ikus mai militar Indonesia tiru mate kuaze 300 no barak sei lakon to'o ohin loron. 12 de Novembro hanesan loron Juventude Timor.

sexta-feira, 9 de novembro de 2012

Komunidadi Timor Iha Peterborough Selebra 12 de Novembro de 2012




Komunidadi Timor iha Peterborough sei halibur hamutuk iha salaun Beehive Community hodi selebra loron Juventude Timor nian ou tinan 21 masakre Santa Cruz. Halibur malun sei halo iha loron Domingo, 11/11, komesa tuku 5.

Iha halibur malun ne'e, sei hatudu filmajem masakre de Santa Cruz, 12/11/91 hosi Timoroan Mito, sei rona muzik hosi tokador Timor: Nico Santos, Bernardino, Alfredo no Manuel Soriano (DJ Pioner).

Sei taka ho Han "snack/makanan ringan" no hemu " non-alkoholiku" nebe kontribui voluntariamente hosi komunidadi rasik.

Masakre Santa Cruz konhesidu iha mundu tomak, bainhira jornalista britaniku Max Stall Konsege halo filmajem hodi hatudu ba mundu tomak demonstrasaun Pacifica nebe Timoroan halo iha 12 de Novembro de 1991, hosi Igreja Motael to'o semiteriu Santa Cruz nebe halo mate 400 no lakon barak.

terça-feira, 30 de outubro de 2012

Horario Missa Loron Santos no Matebiam Nian..

Tuir mai horario missa loron Santos no Matebiam nian iha Igreja St. Peter and All Soul's, Peterborough.

Kinta Feira, dia 1 de Novembro, loron Santos sira nian.
Missa: 9.30 dader, 12.30 meio dia no 7.30 kalan

Sexta Feira, dia 2 de Novembro, loron Matebiam sira nian.
Missa: 9.30 dader, 12.30 meio dia no 7.30 kalan.

Atu hatene liu tan horario missa nian bele vizita website: www.stpeterandallsouls.org.uk

quarta-feira, 24 de outubro de 2012

Registo Cidadaun.....

Timoroan nebe buka servisu iha United Kingdom (UK) tenki registo mos iha Embaixada Portugal iha London tamba maioria tama iha UK uza dokumentus (bilhete de indentidadi no passaporte) portugueses nian.


segunda-feira, 22 de outubro de 2012

Jornal ba Komunidadi Timor iha Peterborough

Ohin, dia 22 de Outubro, tuku 11 dader, hasoru malun ho Sarah hodi elabora jornal ba komunidadi oi-oin, inklui komunidadi Timor iha Peterborough. Karakter jornal informativu i fahe gratuita ba komunidadi iha Peterborough. Tuir diskusaun, jornal sei sai fulan 2 dala 1. Se buat hotu lao diak, primeira publikasaun sei sai iha Janeiro 2013.


Celso

sexta-feira, 3 de agosto de 2012

Suporte Atleta Timor

Juventina Napoleao, atleta feto Timor oan iha jogo Olimpiko London 2012, sei halai maratona,  iha loron Domingo, 5/8, komesa tuku 11 dader. Maratona sei start hosi The Mall no finish iha duni The Mall. Atleta nebe maka to'o uluk final maka sei manan maratona ne'e.

Atu hatene liu informasaun basta hare'e site ofisial: http://www.london2012.com

CO


segunda-feira, 23 de julho de 2012

Timor Leste Partisipa Olimpiade 2012


Presidente Federasaun Timor Leste, Francisco Amaral, ofisiais 3 no atletas nain 4 to'o ona iha London, iha domingo (22/07), atu partisipa iha Olimpiade 2012 nebe sei halo iha London, 27 de Julho to'o 12 de Agostu.

Augusto Ramos (27) no Juventina Napoleao (23) nudar atletas nebe preparadu ona atu partisipa iha eventu internasional ne'e. Juventina sei halai iha 5 de Agosto no Augusto sei halai dia 12 de Agosto.

CO

quarta-feira, 4 de julho de 2012

Olympic Torch Passed in Peterborough, 3-4 July 2012

Lincoln Road, 04/07






Embankment Peterborough, 03/07











All Pictures Taken By:
Celso Oliveira

terça-feira, 19 de junho de 2012

Timor Lori Ekipa 2 Tuir Turnamentu Refugee Week 2012

"FC Timor" iha Refugee Week 2011

"FC Timor" no "FC Uniao" iha Peterborough oras ne'e treinu hela atu tuir turnamentu tebe bola iha Refugee Week 2012 nebe sei halo iha loron Domingo, 24 de Junho, komesa tuku 10 dader to'o tuku 4 lokoraik.

Ekipa "FC Timor" manan tasa "Best Team" iha Refugee Week 2011.

Tuir treinador Demetrio da Silva nia deklarasaun dehan: "husu atu jogador sira kontinua hatudu profisionalismu tamba tinan kotuk FC Timor manan ona best team maibe tinan ida ne'e bele manan liu tan".

Turnamentu tebe bola iha Refugee Week halo tinan-tinan nebe halibur ekipa tebe bola barak iha Peterborough hodi selebra loron refujiadu nian. 

Celso Oliveira

domingo, 3 de junho de 2012

Padre David Paul Halo Tinan 65





Padre David Paul, halo tinan 65 iha loron 2 fulan Junhu tinan 2012. Hafoin tiha missa iha tuku 6 lokoraik, sarani sira ba han-hemu iha igreja nia jardim. 

Igreja St.Peter and All Soul's hanesan fatin nebe sempre halibur Komunidadi Timor hodi partisipa iha atividadis oi-oin iha Peterborough. Labarik Timor oan barak maka sarani no primeiro comunhao iha Igreja ne'e.

Iha selebrasaun Independensia Timor ba dala 10 iha Peterborough, 20 de Maio de 2012 liu ba, Igreja St. Peter and All Soul's fo'o suporte ba Komunidadi Timor hodi bele halo selebrasaun ne'e.


Sara da Costa Partisipa Iha Parnwell Got Talent


Iha loron 19 fulan Maio liu ba, Sara da Costa, tinan 12, hosi Komunidadi Timor partisipa iha Parnwell Got Talent nebe halo iha Parnwell. Sara oan feto hosi Joana da Costa hatudu ninia talentu iha muzika nebe hetan basa liman makaa'as hosi Komunidadi Timor no partisipanti seluk.

Komunidadi Timor iha Peterborough kontinua partisipa iha atividadis oi-oin iha Peterborough.

Familia Soriano Selebra Loron Nossa Senhora de Penha


Iha dia 19 de Maio de 2012, familia bo'ot Soriano nebe hela iha Peterborough selebra loron Nossa Senhora de Penha. Missa halo iha Igreja St. Peter and All Soul's diriji hosi Padre Tony Philpot. Grupo koro hosi Komunidadi Timor iha Peterborough diriji hosi maestro Cristovao da Costa no organista Bernardino Sarmento maka kanta iha missa nia laran.

Hotu tiha missa, familia Soriano oferese han-hemu ba konvidados sira.

Timor Oan Asisti Festival Willow Iha Peterborough

Timoroan barak iha Peterborough asisti festival Willow nebe halo duranti loron 3 iha Peterborough, komesa loron sexta feira-sabadu-domingo, 25-26-27 de Maio de 2012, halo iha Peterborough Embankment Road.
Informasaun kompletu konaba Festival Willow bele hare'e iha: www.willowfestival.org.uk.








quarta-feira, 23 de maio de 2012

Komunidadi Timor Iha Peterborough Reza Hamutuk Iha Misa ba Matebiam Antonio



Komunidadi Timor iha Peterborough, iha kinta feira, 24 de Maio de 2012, tuku 11 dader, akompanya misa hamutuk ba matebiam Antonio Rodrigues Pereira, tinan 50, iha Igreja St. Peter and All Soul's, Peterborough.
Antonio Rodrigues Pereira, tinan 50, mate iha loron 11 fulan Maio liu ba hafoin internado iha hospital Peterborough duranti fulan ida ho balun tamba moras fuan.
Antonio Pereira nia isin mate sei sai hosi Inglaterra loron sexta, 25/5, i, sei to'o iha Timor Leste, loron Sabadu, tuku 2 lokoraik.
Antonio Pereira mate husik hela fen no oan mane nain hat iha Likisa, Timor Leste. Fim