terça-feira, 31 de agosto de 2010

Labarik Timoroan nain Tolu Sarani Iha Peterborough, Inglaterra

Nikson i Max Well Araujo ho inan-aman


Wilson ho inan-aman

Duranti fulan Agostu nia laran, labarik Timoroan nain tolu nebe moris iha sidadi Peterborough simu sakramentu mina sarani iha Igreja St Peter and All Souls, Peterborough, Inglaterra.

Nikson Araujo no Max Well Araujo oan mane nain rua hosi Zito Araujo no Abe Araujo sarani iha loron 21 fulan Agostu, no, Wilson Santos Ramalho oan mane hosi Jose Ramalho no Celina Santos sarani iha loron 28 fulan Agostu.

Timoroan barak maka oras ne'e daudaun hela iha sidadi Peterborough, Inglaterra.
Inan-aman servisu maioria iha fabrika no labarik kiik sira okupa sira nia tempu iha eskola.

Celso Oliveira

sexta-feira, 13 de agosto de 2010

Portugal bele la fo'o tan nasionalidadi ba Timor

Diplomata Timoroan ida nebe lakohi temi nia naran hateten katak se trabalhador Timoroan iha liur kontinua komete krimi, loron ida governu portuguez sei la fo'o tan nasionalidade ba Timoroan.

Iha dadalia hosi facebook, diplomata ne'e adianta katak: "sira halo hanesan ne'e Portugal loron ruma sei hakotu nacionalidade ba Timor oan. Tamba crimes sira nebe Timor oan balun halo iha UK enquanto lori passporte Portugues".

Ikus-ikus ne'e mosu krimi barak maka Timoroan halo. Iha Irlanda do Norte foin daudaun ne'e Timoroan ida oho mate nia eis kompanheira hafoin tenta oho nia-an rasik.

Timoroan barak sai trabalhador iha UK maibe hodi nafatin passaporte portuguez.

Celso Oliveira

segunda-feira, 9 de agosto de 2010

Nelio no Rodrigo Simu Sakramentu Mina Sarani

Rodrigo, oan mane dahuluk hosi familia Zelindo no Iza


Nelio, oan mane darua hosi familia Charles no Clara

Nelio ho Rodrigo, labarik Timoroan nain nebe simu sakramentu mina sarani iha loron 31 de Julho liu ba, iha igreja St. Peter and All Souls, Peterborough, Inglaterra.

Serimonia simu mina sarani dirijida hosi padre Tony hahu'u tuku 2 lokoraik. Hotu tiha serimonia iha igreja, tuir kedas han-hemu ai-han Timor nian nebe hetan preparasaun hosi kozinheiru Timoroan, hodi rona muzika hosi grupu banda Timoroan iha Peterborough.

Festa baptizado Nelio no Rodrigo halo iha salaun East Community Centre no kontinua iha bar ida iha Lincoln Road to'o tuku 3 dadersan.

Peterborough, sidadi ida nebe halibur Timoroan barak desde tinan 2002. Labarik Timoroan barak maka moris iha sidadi Peterborough.

Celso Oliveira

Timorese Govt and UK to discuss about Timorese labors

Timor Post , 4 August 2010- Summary by Alberico Junior

State Secretary for Professional Training and Employment, Bendito Freitas said the Timorese Government had planned to hold bilateral discussion between Timor-Leste and the United Kingdom to talk on the Timorese labors who had been working over five years in that country.

Fonte: http://www.timornewsline.com

Primeiru Kasamentu Timoroan Realiza iha Peterborough




Stefan no Flavia hanesan primeiru sidadaun Timoroan nebe realiza primeiru kasamentu iha Igreja St. Peter and All Souls, sidadi Peterborough, Inglaterra, iha loron 24 fulan Julho liu bá.

Iha missa nebe dirijidu hosi padre inglês nain rua, padre David no padre Tony, Stefan no Flavia nebe moris iha Peterborough tinan lima ona, iha oan mane ida, halo juramentu hodi moris hanesan lain no fan iha diak no susar laran.

Hotu tiha missa nebe hahu’u hosi tuku 1 to’o tuku 2 lokoraik, Stefan no Flavia ba salaun East Community Centre hodi han-hemu ho sira nia maluk Timoroan to’o loron.

Festa kasamentu hetan animasaun hosi grupu banda Timoroan iha Peterborough, no dekorasaun hosi Ameta Body.

Peterborough hanesan sidadi oan ida iha Inglaterra nebe halibur Timoroan no fo’o garantia ba Timoroan barak hodi buka moris.

Hafoin tiha Timor Leste hetan proklamasaun independensia iha 2002, Timoroan barak husik sira nia rain hodi moris iha Inglaterra.

Atualmente iha kasal 25, labarik 30 no liu klosan 100 nebe moris no servisu iha sidadi Peterborough, Inglaterra.

Celso Oliveira