Iha primeiro jogo ho Jovens Unidos, baliza Manuel -alias- Amanu hosi FC Timor, konsege tahan penalti ida. Embora baliza haka'as-an maibe ekipa Jovens Unidos kontinua marka golo rua ba baliza FC Timor.
Ekipa tebe bola Timor Leste iha Peterborough "FC Timor" sofre derrota 2 iha abertura kompetisaun football 7x7 Peterborough International League, iha loron domingo, 27 de Novembro.
Primeiru jogo komesa tuku 6 kalan, ekipa FC Timor lakon bola 2 ho Jovens Unidos, hosi Guine Bissau. Segundo jogo, komesa tuku 6.30 kalan, FC Timor lakon bola 3 ho AFF United.
Peterborough International League halibur ekipa 12 nebe sei tebe bola duranti semana 18 komesa 27 Novembro 2011, sei hotu iha fulan Marsu 2012.
Jogo sei komesa fila fali domingo, dia 4 de Dezembro de 2011. Treinador hosi FC Timor maka Demetrio da Silva. Kaptaun ekipa maka Domingos Simoes. Ofisial FC Timor maka Joao Carvalho.
Resultadu final:
FC Timor 0-2 Jovens Unidos
FC Timor 0-3 AFF United
Celso Oliveira
Sem comentários:
Enviar um comentário