domingo, 18 de outubro de 2015

Friendly Game

Friendly Game
Team: Timor FC Peterborough Vs Fortuna  FC Oxford
Date: 12th Setember 2015
Venue: Embankment Pitch
Result: 3-4

Friendly Game
Team: Timor FC Peterborough Vs Brothers FC Great Yarmouth
Date: 17th October 2015
Venue: The Grange Notherton FC
Result: 3-4


domingo, 11 de outubro de 2015

Community Meeting



The City Council Police Officer has been spoken to the members of East Timor Community in Peterborough during the ET Community monthly Meeting regarding any issue, also about recruitment process to be a police community or police officer.

quinta-feira, 1 de janeiro de 2015

Padre Nelson Freitas no Padre Armindo Brito Selebra Missa Natal no Tinan Foun Hamutuk ho Komunidadi Timor iha Peterborough



Padre Nelson Freitas no padre Armindo Brito selebra missa Natal no missa Fim do Ano 2014 hamutuk ho Komunidadi Timoroan iha Peterborough. Duranti selebrasaun eukaristia nebe hetan entusiasmado hosi Timoroan sira iha Peterborough, padre Nelson no padre Armindo koalia konaba valor kristaun iha Timoroan sira nia moris.

Missa Natal halo iha loron 25/12 iha Igreja St. Peter and All Souls, diriji hosi padre Nelson Freitas akompanya hosi padre Armindo Brito. Missa Fim do Ano halo iha loron 31/12 iha Igreja St. Peter and All Souls, diriji hosi padre Armindo no akompanya hosi padre Nelson.

Duranti selebrasaun eukaristia rua ne'e, Komunidadi Timor iha Peterborough prepara acolitos, coro no grupo dansa tradisional hodi akompanya ofertorio.

Liu ema atus ida maka partisipa iha missa rua ne'e, balun mai hosi sidadi seluk. Misa rua ne'e hetan apoio hosi padre parokia Adam.

Komunidadi Timor iha Peterborough hamrik desde 2010 ho objektivus atu halibur Timoroan hotu nebe hela no servisu iha sidadi Peterborough, Wisbech no Thrapston. Desde 2010 to ohin loron, komunidadi Timor iha Peterborough organiza ona atividades oi-oin, komesa hosi desportivas, relijiosas, culturais no seluk-seluk tan.





domingo, 5 de outubro de 2014

Primeiru Eventu Kultural Timor Leste iha UK







Primeiru eventu kultural Timor Leste iha UK halo iha Peterborough iha loron Sexta 3 de Outubro de 2014 iha Peterborough Social Club, Maskew Avenue, PE1 2AS. Organiza husi Komunidadi Timor iha Peterborough (seksaun Cutura) ho prezensa direitamente hosi Timor Leste grupo kultura tradisional Le-Ziaval, MV Moda Collection no Anito Matos. 

Liu ema atus hat asisti eventu kultura ida ne'e mai hosi sidadi hotu iha UK: London, Bristol, Oxford, Manchester, Crew, Great Yarmouth, Cambridge, Irlanda no Portugal no fatin seluk tan.

Ema numeru um hosi sidadi Peterborough Mayor of Peterborough Councillor David Over ho nia kaben Mrs. Jackie Over partisipa duranti oras tolu iha serimonia ida ne'e.

Komunidadi Timor iha Peterborough senti orgulho tamba ida ne'e primeiru eventu kultural iha UK, i, bele halibur Timoroan barak. Obrjektivus:
1.  Atu introduz no promove historia no kultura rai no povo Timor Leste nian. 2.  Atu hatudu respeitu no servisu hamutuk entre komunidadi hosi rai seluk iha Peterborough, UK. Atu hametin unidadi no respeitu bo’ot entre komunidadi Timoroan iha UK.

Molok eventu kultural "One Night in Timor Leste" hotu, grupo Le-Ziaval oferese Tais Mane no Tais Feto ba ema numeru um iha sidade Peterborough. Fim

Texto: Celso Oliveira
Fotos: Even Brito


terça-feira, 24 de junho de 2014

Timor FC Hetan Best Team

Timor FC manan best team ou melhor equipa duranti turnamento tebebola selebra Refugee Week 2014, halo iha The Grange Off Mayor's Walk, Peterborough iha loron Domingo, 22 de Junho 2014.







Ekipa Timor FC hetan suporti hosi komunidadi Timor iha Peterborough duranti tournamento lao. Turnamentu ne'e organiza hosi British Red Cross. Total team tuir turnamentu 12. 

Timor FC tama to'o semi final hodi joga ho Real Social Lads, i, hetan 4 lugar.

Team Name and Manager:

1 AFG  - Hussain SAFDERI
2 AFRICANS UNITED - Herve ILODO
3 BAD BOYS - Ibrahim HASSEN
4 BAKKAR MOTORS FC - Said BAKR
5 BWF FAMILY - Eddy ZACARIAS
6 HABESHA - Tuemay ANGOSAM
7 JOVENS UNIDOS FC - Armando PEREIRA
8 K CAP STARS - Jeremy OMONDI
9 REAL SOCIAL LADS - Burt
10 TAMT - Aser MOHAMMED
11 TIMOR FC - Demetrio DA SILVA
12 ZAMALEK - Hassan

Ida ne'e ba dalarua ona Timor FC hetan Best Team. Primeiru iha tinan 2010.

Foto: Anizo



domingo, 25 de maio de 2014

Timoroan Iha Peterborough Hamutuk Selebra Loron Independensia Nasional 2014


Loke Champanye no koa kek hosi membrus komunidadi, komisaun organizadora
 no konvidados sira hodi hahu'u festa Independensia hamutuk.

Pose foto hamutuk Timoroan iha Peterborough



Chef tein Felix Chang (hamrik liman los kazaku mutin)

Komunidadi Timor iha Peterborough selebra hamutuk loron Restaurasaun Independensia Timor Leste iha loron Sabadu, 24 de Maio de 2014 iha South Grove Community Centre, Woodston.

Liu ema atus rua halibur hamutuk iha kalan nebe nakonu ho muzika no dansa Timor, Ai-han Timor, historia no retratu Timor. Selebrasaun hahu'u tuku 5 lokoraik to'o tuku 12 kalan. 

Marka prezensa iha selebrasaun ne'e polisia, Peterborough Forum, British Red Cross, Timoroan iha Northwich, Leds, Thrapston, Wisbech no fatin seluk tan.

Animasaun ba Labarik
Presidenti Komisaun Orgaizadora Iku Jeronimo
entrega premio no medalha ba labarik nebe manan halai taru

Labarik no aman halimar matrakilis hamutuk

Labarik sira halai taru

Iha loron Sabadu, 17 de Maio de 2014, iha Unity Hall, Parca, Komunidadi halo festa no animasaun ba labarik sira hodi halo programas: konta historia The Boy and The Crocodile, halai taru, lori berlindes halai, han taru masan, joga pingpong, matrakilis no seluk-seluk tan. Animasaun ne'e hahu tuku 4 lokoraik to'o tuku 8 kalan. Familia no labarik barak mak tuir festa no animasaun ida ne'e. 


Missa
Iha loron Domingo, 18 de Maio de 2014, komunidadi Timor halibur hamutuk iha selebrasaun eukaristika iha Igreja St. Peter and All Soul's hodi selebra loron restaurasaun Independensia Timor Leste nian.

Timoroan liu ema lima nulu maka halibur hamutuk iha Igreja laran hodi rona misa ho lian Portuguez hosi Padre Michael.

Komisaun Organizadora
Selebrasaun loron Restaurasaun Independensia tinan ida ne'e hetan apoio hosi Timoroan hotu iha Peterborough hodi kria komisaun organizadora nebe kompostu hosi Iku Jeronimo (presidenti) no Celina Santos (vice). Komisaun organizadora desidi halo programa oi-oin ba komunidadi no fan ticket hodi realiza festa no halo atividades oi-oin. 

Komunidadi Timor iha Peterborough
Atualmente, liu ema atus hat (400) Timoroan hela Peterborough. Inan-aman servisu iha fabrika, labarik kiik sira okupa sira ninia tempo iha eskola. Peterborough oferese fatin diak no harmonia ba Timoroan barak hodi moris no servisu. Hafoin independensia Timor nian iha 2002, Timoroan barak lao husik sira ninia rain, familia no amluk hotu hodi hahu'u buka oportunidadi foun iha moris.

Desde 28 de Februari de 2010 East Timorese Association of Peterborough ofisialmente hamrik iha Peterborough ho objektivo atu halibur Timoroan hotu, selebra eventus sosiais no culturais, promove gastronomia, dezenvolve desportus, selebra loron Independensia Nasional no atividades seluk2 tan. East Timorese Association of Peterborough hetan apoio hosi autoridadi lokal, Igreja no Komunidadi Organizasaun seluk iha Peterborough. Fim


sexta-feira, 27 de dezembro de 2013

Resume Atividades Setembro-Dezembro 2013

Resume atividades hosi fulan Setembro-Dezembro 2013

1. Setembro,
Dia 7/9, halo atividades desportu no barbekiu hamutuk iha salaun Parca. 

Dia 21/9, fo apoio hodi forma Grupo Feto Timor iha Peterborough.

Dia, 22/9, lori ai-han Timor partisipa iha Festival Multicultural organiza hosi Associasaun Bangladesh Peterborough.

2. Outubro,
Dia 5-6/10, simu jornalista Tempo Semanal Jose Belo.
Dia, 21/10, labarik Timor partisipa iha fashion show organiza hosi Peterborough Forum Group, halo iha Millenium Centre.
28/10, expozisaun products original Timor iha Cathedral Square hodi selebra loron Black History Month.

28/10, Timoroan nain tolu konklui ou remata kursu "English Conversation Class" halo iha PREC.

3. Novembro,
Dia 2/11, Fo'o apoio ba grupo Feto Timor halo festa ba labarik Timor hodi selebra loron Halloween iha Parca Hall.
Dia 11/11, producer film Peter Gordon hatudu nia film foun sobre Timor iha Theatre John Clare.


4. Dezembro,
Dia 15/12, Timoroan sira partisipa iha loron hanoin Nelson Mandela, halo iha Cathedral Square. Dia 22/12, Timoroan nain 6 simu sertificado food and hygiene level 2. Sponsor hosi Peterborough Bangladesh Welfare Association
Dia 21/12, konvida Padre Nelson Freitas, padre Timoroan nebe estuda iha Roma hodi halo missa natal 25/12 no tinan foun 31/12 ba Timoroan iha Peterborough, Wisbech no Thrapston.
Dia 28/12, Reuniaun jeral Komunidadi Timor iha Igreja nia salaun hodi koalia konaba mudansa iha estrutura Komunidadi nian. Konvidado espesial padre Nelson Freitas.

Nota: Actividades sira ne'e halo laiha profit ba membro sira. Hotu2 servisu voluntariu.