Timor FC manan Trofeu Best Team "Fair Play" Duranti Turnamentu Selebra refugee Week Iha Peterborough 2011

Foto hamutuk hafoin simu tasa 2. Tasa 1 tamba partisipa iha turnamentu, tasa 1 seluk hanesan best team "fair play" duranti turnamentu selebra refugee week Peterborough 2011

Team tebe bola hosi Timor FC iha Peterborough manan trofeu best team "fair play" iha turnamentu tebe bola "7 " hodi selebra refugee week iha Peterborough, iha loron sabadu, 26/06/2011, komesa tuku 10 dader to'o tuku 4 lokoraik.

Iha jogo dader to'o lokoraik, nebe hetan suporte hosi Timor oan iha Peterborough, ekipa Timor FC hatudu jogo ida furak, mos no la hetan kartaun nein ida.

Duranti kualifikasaun, ekipa Timor FC konsege manan 2, lakon 2 no empata 1.

New Link 1 - 1 Timor FC

Peterborough Citizen Advice Bureau 1 - 6 Timor FC

Timor FC 3 - 1 Jaguar

Timor FC 0 - 1 AML

Timor FC 0 - 1 Scorpions FC

Timor FC kompostu hosi Demetrio da Silva (treinador), Nocky, Fredy, Anijo, Amari, Appoli, Mambo, Amanu (baliza), Fabio, Ai Kamin, Jose, Apeu no Kiku.

Ne'e primeira vez Timor FC iha halo parti iha kompetisaun tebe bola iha sidadi Peterborough.

Timor FC prepara ba turnamentu internasional tebe bola "7" nebe sei selebra iha fulan Setembro/Outubro iha Peterborough.

Celso Oliveira