Despedida Padre David Jennings

Komunidadi Timor Ho Goa

Han-hemu hafoin missa

Foto hamutuk ho Padre David

Missa despedida padre David Jennings, halo iha Katedral Peterborough, loron Sabadu, 11 de Junhu, hahu tuku 6 lokoraik. Ema barak mak halo parti iha missa bo'ot ne. Komunidadi hotu-hotu, inklui Komunidadi Timor iha Peterborough mos lori knanauk "Kristo Nai Liurai" duranti komunhao nia laran.

Missa hotu tiha, tuir kedas han-hemu iha katedral nia jardim, hahu'u 7pm to'o 9pm.

Padre David hanesan ema nebe dedika nia moris hodi hametin relasaun diak entre komunidadi hotu-hotu iha Peterborough, inklui musulmanus sira.

Relasaun Padre David ho komunidadi Timor

Iha fulan Fevereiru, tinan kotuk, padre David halo reuniaun ida ho grupu Timor oan ida hodi forma "East Timorese Community in Peterborough".

Komunidadi Timor iha peterborough ohin loron existi tamba suporte maka'as hosi Igreja St. Peter and All Soul's, espesialmente padre David. Ne'e duni, hafoin tiha missa, Timor oan grupu ida ba hasoru padre David hodi fo agradesimentu. Iha hasoru malun ne'e, padre David husu atu kontinua lori komunidadi lao ba oin.

Iha padre David nia liman, realiza kasamentu 1, primeiru komunhao labarik nain 2, sarani labarik liu 10.

Texto: Celso Oliveira

Foto: Mario Pereira