Momentu koa kek no loke Champamhe (Foto: Ana Rosa nia Facebook)Komunidadi Timor Leste iha Peterborough organiza festa no tebe bola hodi selebra tinan sia Independensia Timor Leste, 20 de Maio de 2011.
Festa halo iha Igreja St. Mark's nia salaun iha loron Sabadu, 21 de Maio hahu'u tuku 4.30 to'o 10 kalan. Familia, labarik no klosan sira halibur hamutuk hodi kanta, han-hemu no dansa.
Animasaun musikal hosi organista Mano Araujo nebe toka la para to'o festa remata.
Molok festa hahu'u, uluk nanain rona knananuk hosi inan sira iha Peterborough nebe kanta "O Rai Timor".
Hafoin lia fuan badak hosi Estanislau Ximenes nebe koalia hodi komunidadi nia naran nebe fo'o "bem vindo" ba ema hotu.
Iha festa laran, rona mos poezia hosi Ana Rosa nebe le ninia poezia ho titulu "Timor".
Iha tuku 8 kalan, marka mos prezensa polisia komunidadi no madre Mary Clare hosi Igreja St. Peter and All Soul's nebe duranti ne'e fo'o suporte ba komunidadi Timor oan iha Peterborough.
Festa remata tuku 10 kalan.
Primeira Vez halao aktividade desportiva "Tebe Bola"
Foin dala ida ne'e komunidadi Timor halao aktividade tebe bola nebe halo iha loron domingo, 22 de Maio, lokoraik, iha kampu tebe bola, komesa tuku 5.30 lokoraik to'o tuku 8 kalan.
Foin dala ida ne'e komunidadi Timor halao aktividade tebe bola nebe halo iha loron domingo, 22 de Maio, lokoraik, iha kampu tebe bola, komesa tuku 5.30 lokoraik to'o tuku 8 kalan.
Ekipa rua nebe joga maka Ba Paz no Amor Timor. Iha jogo ne'e ekipa Ba Paz manan Amor Timor 4-3.
Celso Oliveira
Komunidadi Timor oan iha Peterborough.
Sem comentários:
Enviar um comentário