Lokoraik Ida Ho PM Xanana Gusmao Iha Hotel Millennium, London Mayfair

Tinan sia tiha Timor Leste proklama Independensia, iha 20 de Maio de 2002, hau foin dala rua hasoru lider kharismatika i aktual PM Timor Leste Kayrala Xanana Gusmao. Primeiru enkontru akontese iha Hotel Tivoli, Lisboa, tinan 2003. Segundu enkontru foin daudaun iha Hotel Millennium, London Mayfair, dia 7 de Marsu lokoraik, durante delegasaun Timor Leste nebe dirigida rasik hosi PM Xanana Gusmao halo visita ofisial iha Inglaterra, loron 6-8 de Marsu tinan ida ne’e.

Hau kontinua iha konsiderasaun ba PM Xanana hanesan ema ida nebe iha super-potensi atu lori povo Timor sai hosi sofrimentu, sai hosi kiak iha tempu Pos-Guerra. Laos fasil, klaru.

PM Xanana Gusmao kontinua hatudu ninia-an nudar lider karismatik, hatudu ninia domin ba labarik sira, hatudu espiritu atu servi i sakrifika hodi hadia povo Timor nia moris. Iha tempu funu Xanana Gusmao hatudu tiha ona ninia kapasidadi hodi liberta povo. Ohin loron, PM Xanana kontinua dedika ninia tempu no hanoin atu lori povo Timor sai hosi kiak. Dala ida tan, klaru laos fasil.

Iha hasoru malun dia 7 de Marsu 2011, hau ba ho kualidadi hanesan membru hosi Assosiasaun Timor oan iha Peterborough hodi ami fo’o hanoin ba malun konaba oinsa Timor oan sira iha Inglaterra no Irlanda organiza-an iha organizasaun nia laran. Ami mos koalia konaba atu loke agensia konsuladu Timor nian tamba orsamentu 2011 aprovadu ona, ne’e duni tinan ne’e tenki loke ona konsuladu Timor Leste iha Manchester, Inglaterra.

Hau rasik la konkorda ho ideia atu loke agensia konsuladu Timor Leste iha Manchester tamba tuir dadus nebe iha hatudu katak Timor oan barak liu maka hela iha sidadi Bristol i Oxford. Laos Manchester. Tuir lolos loke agensia konsuladu iha Londres.

Assosiasaun Timor oan iha Peterborough nebe bolu “East Timorese Association of Peterborouugh”, hamrik iha tinan kotuk, 2010, ho suporte hosi Igreja St. Peter & All Souls. Membrus nebe oras ne’e iha laos permanenti tamba oras ne’e daudaun ami sei elabora Estatuto ba Assosiasaun. Kuandu Estatuto pronto ona sei halo eleisaun hodi hili ema nebe iha kapasidadi i responsabilidadi hodi organiza komunidadi Timor oan iha Peterborough.

Se Timor oan hotu-hotu iha Inglaterra no Irlanda organiza-an halo didiak iha organizasaun nia laran, entaun bele hetan suksesu barak liu tan.

Celso Oliveira

"East Timorese Association of Peterborough" iha 2010

Madre Mary, Pe. David no Pe. Jhon ho salendang Timor Leste

Iha Tinan 2010…
- 27/02/10, ho apoio hosi Igreja St. Peter & All Souls hamrik Assosiasaun Timor oan iha Peterborough naran: "East Timorese Association of Peterborough". Membru nain 5: Celso, Estanislau, Zito, Ana i Cirtovao.
- 13/03/10, komunidadi halibur hamutuk iha Igreja St. Peter & All Souls koalia konaba oinsa atu halao "East Timorese Association of Peterborough". Membru nain 2 tama: Salvador i Clara
- 14/05/10, membru assosiasaun nain 3 (Celso, Salvador no Zito) hasoru malun ho New Link koalia konaba Konstituisaun ba East Timorese Association of Peterborough.
- 12/09/10, komunidadi halibur hamutuk iha Igreja St. Peter & All Souls koalia konaba: saida maka komunidadi no oinsa sai membru iha komunidadi.
- 04/12/10, membru komunidadi halibur hamutuk ho Polisia iha Igreja St. Peter & All Souls, koalia konaba EDL (English Defende League) nebe halo manifestasaun iha 11/12 iha Peterborough.
- Iha loron 12 fulan Dezembro tinan 2010, komunidadi hotu-hotu iha Peterborough hamutuk iha “ONE VOICE, ONE COMMUNITY” halo deklarasaun hodi kria paz no harmonia iha Peterborough. Komunidadi Timor Leste mos halo parti.
- 19/12/10 familia Timor tuir retiru molok Natal hamutuk ho padre Tony, iha Igreja St. Peter & All Souls nia salaun. Hodi tema: “Formar Parte Numa Minoria”. Hamutuk Timor oan 17 representa família Timor oan iha Peterborough maka tuir retiro ida ne’e.

Celso Oliveira

Timor Oan Elabora Estatuto ba East Timorese Association of Peterborough

Timor oan lubun ida halibur hamutuk iha Igreja St. Peter & All Souls, Peterborough, iha domingo, loron 20 fulan fevereiru, hodi koalia konaba estatuto ba “East Timorese Association of Peterborough”.

Duranti halibur malun oras rua nia laran, Timor oan sira haksesuk malun konaba naran, membrus, objektivus no seluk-seluk tan hodi hari’i East Timorese Association of Peterborough.

East Timorese Association of Peterborough hanesan assosiasaun Timor oan nebe iha objektivus:
1. Atu halibur komunidadi Timoroan ho sira nia familia no maluk sira hotu.
2. Atu prezerva kultura no hametin relasaun sosial iha komunidadi Timoroan.
3. Atu haburas amizade no solidariedadi ba malun.
4. Atu dezenvolve meius integrasaun iha komunidadi nia laran, nomos atu hasa'e liu tan ema nia konhesimentu ba kultura Timor nian.
5. Atu dezenvolve konhesimentu ba kostume no kultura iha komunidadi lokal.

Celso Oliveira

Komunidadi Timor oan Iha Peterborough Halibur Hamutuk

Komunidadi Timor oan iha Peterborough sei halibur hamutuk iha Igreja St. Peter and All Soul's nia salaun iha loron domingo, 20 fulan Fevereiru, tuku 7 kalan, hodi elabora Estatuto ba "East Timorese Association of Peterborough".

Iha halibur hamutuk ne'e sei koalia mos konaba partisipasaun komunidadi iha census nasional nebe sei halo iha sidadi Peterborough iha loron 27 fulan Marsu tinan 2011.

Mos, iha halibur hamutuk ne'e sei koalia konaba partisipasaun komunidadi iha missa nebe sei halo iha loron 11, fulan Junho tinan 2011, iha Katedral Peterborough.

Celso Oliveira

Letter From Kasia Chiva

Dear Celso

On the 27 March 2011 every household in the country will be required to complete a Census questionnaire. To ensure Peterborough secures the maximum return rate, we plan to promote the Census by holding a series of Census Completion Events. These will encourage people to come along to strategic locations where they can obtain help with completing their Census forms.

The first of these events will be held at Peterborough Town Hall on Census Day – Sunday 27 March 2011 from 12 noon until 4 pm.

We plan to make this Town Hall event a celebration of the Census. To help us, Peterborough Museum and the City Archivist will be putting on a Victorian display showing how previous Census data has helped them in their work. In addition, to promote the multi-cultural aspects of the city, we have invited key community groups to provide refreshments based on their traditions both current and those in the past.

The Mayor of Peterborough will be opening the event - the details of the event are:

Date: 27 March 2011
Location: Peterborough Town Hall, Bridge Street, Peterborough. PE1 1HF
Time: 12 noon (which will be the time of the opening)

I really hope that you will be able to attend this event. I would be very grateful if you could inform us as to whether or not this is possible. Just give me a ring or send an email.

Kind regards,
Kasia Chiva
Census 2011 Team

Reuniaun Konaba Violensia Domestik no Proteksaun ba Labarik

Komunidadi Timor organiza reuniaun ho familia sira iha Peterborough hodi koalia konaba Violensia Domestik no Proteksaun ba Labarik.
Reuniaun sei halo iha Igreja St. Peter and the All Soul's nia salaun, loron domingo (6/02) komesa 7 kalan.

Tuir rejistu nebe komunidadi iha, hateten katak oras ne'e iha labarik 33 hosi familia 21 maka hela iha Peterborough.
Tinan-tinan moris labarik Timor oan iha sidadi Peterborough. Iha 2010 moris labarik nain 6.

OJE 2011 ba MNE aprova inkluindu loke konsuladu iha Manchester United

Ajuda ba hari'i Reprezentasaun RASD iha Dili no Selu reprezentasaun Guine-Bissau iha UN, New York

OJE 2011 aloka ba Ministerio Negocios Estranjeiros (MNE), ho montante US$18,420,000.00, ho tan aditamentu ne’ebe hetan aprovasaun husi Parlamentu Nasional (PN), aprovado.

Iha debate, MNE, Zacarias Albano da Costa, justifika ninia orcamento ho husu tan aditamentu sira ne’ebe apresenta liu husi propostas husi deputados sira tamba, razaun sira hanesan ”tamba Timor oan barak maka oras ne’e nudar trabaladores, servisu iha Englaterra, Irlanda do Norte, acordo ho UK. Ita nia populasaun hamutuk tuir Governo Englaterra por volta de 16 mill, numeros husi MNE por volta de 6-7 mil Timor oan”, defende Zacarias da Costa, MNE.

Iha OJE 2011 ba MNE, mos aloka mos verba hamutuk US$500,000.00 ba harii representasaun diplomatika ba RASD (Republika Arab Saharawi Demokratiku) iha Dili, tamba evoka ba principius solidariedade entre povos, ne’ebe hakerek mos iha Konstituisaun RDTL nian. Mos aloka osan ho montante US$100,000.00 ba selu representasaun Guine-Bissau nian iha Nova York, Nasoes Unidas. Tuir Zacarias Albano da Costa, ”Relacao ho Guine-Bissau, relacao solidariedade e freternidade. Ita uja sira nia meios iha tempo luta nian, agora ita mos iha dever moral hodi ajuda fali sira. Ho ajuda ida ne’e, Timor-Leste sei hetan beneficiu politika diplomatika iha forum internasionais sira”, defende Zacarias Albano da Costa, MNE.

OJE 2011 ba MNE, aloka mos ba servisu saude ba diplomatas sira no kontratasaun ba Staff lokais!

Fonte: Forum Haksesuk