Primeiru Eventu Kultural Timor Leste iha UK

Primeiru eventu kultural Timor Leste iha UK halo iha Peterborough iha loron Sexta 3 de Outubro de 2014 iha Peterborough Social Club, Maskew Avenue, PE1 2AS. Organiza husi Komunidadi Timor iha Peterborough (seksaun Cutura) ho prezensa direitamente hosi Timor Leste grupo kultura tradisional Le-Ziaval, MV Moda Collection no Anito Matos. 

Liu ema atus hat asisti eventu kultura ida ne'e mai hosi sidadi hotu iha UK: London, Bristol, Oxford, Manchester, Crew, Great Yarmouth, Cambridge, Irlanda no Portugal no fatin seluk tan.

Ema numeru um hosi sidadi Peterborough Mayor of Peterborough Councillor David Over ho nia kaben Mrs. Jackie Over partisipa duranti oras tolu iha serimonia ida ne'e.

Komunidadi Timor iha Peterborough senti orgulho tamba ida ne'e primeiru eventu kultural iha UK, i, bele halibur Timoroan barak. Obrjektivus:

1.  Atu introduz no promove historia no kultura rai no povo Timor Leste nian. 2.  Atu hatudu respeitu no servisu hamutuk entre komunidadi hosi rai seluk iha Peterborough, UK. Atu hametin unidadi no respeitu bo’ot entre komunidadi Timoroan iha UK.

Molok eventu kultural "One Night in Timor Leste" hotu, grupo Le-Ziaval oferese Tais Mane no Tais Feto ba ema numeru um iha sidade Peterborough. Fim

Texto: Celso Oliveira
Fotos: Even Brito

Timor FC Hetan Best Team

Timor FC manan best team ou melhor equipa duranti turnamento tebebola selebra Refugee Week 2014, halo iha The Grange Off Mayor's Walk, Peterborough iha loron Domingo, 22 de Junho 2014.

Ekipa Timor FC hetan suporti hosi komunidadi Timor iha Peterborough duranti tournamento lao. Turnamentu ne'e organiza hosi British Red Cross. Total team tuir turnamentu 12. 

Timor FC tama to'o semi final hodi joga ho Real Social Lads, i, hetan 4 lugar.

Team Name and Manager:

1 AFG  - Hussain SAFDERI

2 AFRICANS UNITED - Herve ILODO

3 BAD BOYS - Ibrahim HASSEN

4 BAKKAR MOTORS FC - Said BAKR

5 BWF FAMILY - Eddy ZACARIAS

6 HABESHA - Tuemay ANGOSAM

7 JOVENS UNIDOS FC - Armando PEREIRA

8 K CAP STARS - Jeremy OMONDI

9 REAL SOCIAL LADS - Burt

10 TAMT - Aser MOHAMMED

11 TIMOR FC - Demetrio DA SILVA

12 ZAMALEK - Hassan

Ida ne'e ba dalarua ona Timor FC hetan Best Team. Primeiru iha tinan 2010.

Foto: Anizo

Timoroan Iha Peterborough Hamutuk Selebra Loron Independensia Nasional 2014

Loke Champanye no koa kek hosi membrus komunidadi, komisaun organizadora
 no konvidados sira hodi hahu'u festa Independensia hamutuk.

Pose foto hamutuk Timoroan iha Peterborough

Chef tein Felix Chang (hamrik liman los kazaku mutin)

Komunidadi Timor iha Peterborough selebra hamutuk loron Restaurasaun Independensia Timor Leste iha loron Sabadu, 24 de Maio de 2014 iha South Grove Community Centre, Woodston.

Liu ema atus rua halibur hamutuk iha kalan nebe nakonu ho muzika no dansa Timor, Ai-han Timor, historia no retratu Timor. Selebrasaun hahu'u tuku 5 lokoraik to'o tuku 12 kalan. 

Marka prezensa iha selebrasaun ne'e polisia, Peterborough Forum, British Red Cross, Timoroan iha Northwich, Leds, Thrapston, Wisbech no fatin seluk tan.

Animasaun ba Labarik

Presidenti Komisaun Orgaizadora Iku Jeronimo
entrega premio no medalha ba labarik nebe manan halai taru

Labarik no aman halimar matrakilis hamutuk

Labarik sira halai taru

Iha loron Sabadu, 17 de Maio de 2014, iha Unity Hall, Parca, Komunidadi halo festa no animasaun ba labarik sira hodi halo programas: konta historia The Boy and The Crocodile, halai taru, lori berlindes halai, han taru masan, joga pingpong, matrakilis no seluk-seluk tan. Animasaun ne'e hahu tuku 4 lokoraik to'o tuku 8 kalan. Familia no labarik barak mak tuir festa no animasaun ida ne'e. 

Missa

Iha loron Domingo, 18 de Maio de 2014, komunidadi Timor halibur hamutuk iha selebrasaun eukaristika iha Igreja St. Peter and All Soul's hodi selebra loron restaurasaun Independensia Timor Leste nian.

Timoroan liu ema lima nulu maka halibur hamutuk iha Igreja laran hodi rona misa ho lian Portuguez hosi Padre Michael.

Komisaun Organizadora

Selebrasaun loron Restaurasaun Independensia tinan ida ne'e hetan apoio hosi Timoroan hotu iha Peterborough hodi kria komisaun organizadora nebe kompostu hosi Iku Jeronimo (presidenti) no Celina Santos (vice). Komisaun organizadora desidi halo programa oi-oin ba komunidadi no fan ticket hodi realiza festa no halo atividades oi-oin. 

Komunidadi Timor iha Peterborough

Atualmente, liu ema atus hat (400) Timoroan hela Peterborough. Inan-aman servisu iha fabrika, labarik kiik sira okupa sira ninia tempo iha eskola. Peterborough oferese fatin diak no harmonia ba Timoroan barak hodi moris no servisu. Hafoin independensia Timor nian iha 2002, Timoroan barak lao husik sira ninia rain, familia no amluk hotu hodi hahu'u buka oportunidadi foun iha moris.

Desde 28 de Februari de 2010 East Timorese Association of Peterborough ofisialmente hamrik iha Peterborough ho objektivo atu halibur Timoroan hotu, selebra eventus sosiais no culturais, promove gastronomia, dezenvolve desportus, selebra loron Independensia Nasional no atividades seluk2 tan. East Timorese Association of Peterborough hetan apoio hosi autoridadi lokal, Igreja no Komunidadi Organizasaun seluk iha Peterborough. Fim

Resume Atividades Setembro-Dezembro 2013

Resume atividades hosi fulan Setembro-Dezembro 2013

1. Setembro,
Dia 7/9, halo atividades desportu no barbekiu hamutuk iha salaun Parca. 

Dia 21/9, fo apoio hodi forma Grupo Feto Timor iha Peterborough.

Dia, 22/9, lori ai-han Timor partisipa iha Festival Multicultural organiza hosi Associasaun Bangladesh Peterborough.

2. Outubro,
Dia 5-6/10, simu jornalista Tempo Semanal Jose Belo.
Dia, 21/10, labarik Timor partisipa iha fashion show organiza hosi Peterborough Forum Group, halo iha Millenium Centre.
28/10, expozisaun products original Timor iha Cathedral Square hodi selebra loron Black History Month.

28/10, Timoroan nain tolu konklui ou remata kursu "English Conversation Class" halo iha PREC.

3. Novembro,
Dia 2/11, Fo'o apoio ba grupo Feto Timor halo festa ba labarik Timor hodi selebra loron Halloween iha Parca Hall.
Dia 11/11, producer film Peter Gordon hatudu nia film foun sobre Timor iha Theatre John Clare.


4. Dezembro,
Dia 15/12, Timoroan sira partisipa iha loron hanoin Nelson Mandela, halo iha Cathedral Square. Dia 22/12, Timoroan nain 6 simu sertificado food and hygiene level 2. Sponsor hosi Peterborough Bangladesh Welfare Association

Dia 21/12, konvida Padre Nelson Freitas, padre Timoroan nebe estuda iha Roma hodi halo missa natal 25/12 no tinan foun 31/12 ba Timoroan iha Peterborough, Wisbech no Thrapston.

Dia 28/12, Reuniaun jeral Komunidadi Timor iha Igreja nia salaun hodi koalia konaba mudansa iha estrutura Komunidadi nian. Konvidado espesial padre Nelson Freitas.

Nota: Actividades sira ne'e halo laiha profit ba membro sira. Hotu2 servisu voluntariu.

Timoroan Kontenti Padre Nelson Selebra Misa Natal Iha Peterborough

Eda Santos
Hau fo parabens ba organiza programa missa tinan 1 nee kapas tebes coru mos kapas e buat hotu furaak loos senti missa Ida Ohin nee hau senti iha Timor fali,...hau espera katak tinan tuir mai sei diaak liu Tan nee !! Bjs

Jd Hulamuda
Boanoite obrigada igualmente... ho misa ida ohin loron ne hau senti kontenti teb~tebes tamba amu timor oan mai halibur no halo misa ba ita timor oan ih Peterborough.. No ami fo obrigada barak ba organijadora sira tamba bele organija no halao programa ne kapas teb~tebes,,,ohin loron amu Nelson bele mai halibur duni Comunidade Timor oan iha Prterborough..

Raquel e Rafaela Oliveira
Ba ami nia comentario ceremonia 1 mais valiosa ba ita nia comunidade timorense nebe iha peterborough e ami contente teb-tebes ceremonia 1kapas e furak los maun. maun halo ita sente emocao tebes e ita sente ita iha timor fali.

Chang Felix
Furak demais premerio ema barak loss buat hotu Lao ho Graca Maromak.

Evf Orleans
Misa, canta , ofertorio, serani Sira hotu, São 5 estrelas  furak demais.

Silvestra de Carvalho
Hw pesoal urgulho tebes ho ita hotu nia unidade hodi realiza misa ohin nbe lao kapas teb2s. E ida nee permeiru vez mai hw kapas tebes e hw espera ida ne'e sei kontinua lao diak liu tan iha futuru.

Afaty Anel
Boas festa mos,,,,,ami contenti I agredese tebes ba misa ida ohin ho padre Nelson bele mai hamutuk comunidade iha peterborough ami fo obrigado barak ba padre Nelson i boas festa do santo natal i bom ano novo ba 2014.....

Joao Cardoso Sassagol
Yah... Furak los. Hanesan iha Timor. Diak liu tinan kotuk, semoga tinan oin diak liu tan.

Grupo Feto Timor Iha Peterborough

Grupo Feto Timor iha Peterborough hamrik ona iha Sabadu, 21/9, ho objektivus atu hasa'e kapasidades feto nian, promove kultura, muzika tradisional, ai-han, hanorin Tetum ba labarik sira, partisipa ativa iha aktividades seluk2 hodi halo integrasaun diak iha sidadi Peterborough. Hamutuk feto nain 17 mak tuir reuniaun ne'e hodi hili feto nain 6 tu'ur iha Estrutura. Koordenadora mak Ana Soares no Guida Martins.

Galeria Foto Summer BBQ and Sports Activities 2013