Timoroan barak iha Peterborough asisti festival Willow nebe halo duranti loron 3 iha Peterborough, komesa loron sexta feira-sabadu-domingo, 25-26-27 de Maio de 2012, halo iha Peterborough Embankment Road.
Informasaun kompletu konaba Festival Willow bele hare'e iha: www.willowfestival.org.uk.
domingo, 3 de junho de 2012
quarta-feira, 23 de maio de 2012
Komunidadi Timor Iha Peterborough Reza Hamutuk Iha Misa ba Matebiam Antonio
Komunidadi Timor iha Peterborough, iha kinta feira, 24 de Maio de 2012, tuku 11 dader, akompanya misa hamutuk ba matebiam Antonio Rodrigues Pereira, tinan 50, iha Igreja St. Peter and All Soul's, Peterborough.
Antonio Rodrigues Pereira, tinan 50, mate iha loron 11 fulan Maio liu ba hafoin internado iha hospital Peterborough duranti fulan ida ho balun tamba moras fuan.
Antonio Pereira nia isin mate sei sai hosi Inglaterra loron sexta, 25/5, i, sei to'o iha Timor Leste, loron Sabadu, tuku 2 lokoraik.
Antonio Pereira mate husik hela fen no oan mane nain hat iha Likisa, Timor Leste. Fim
sábado, 12 de maio de 2012
Timoroan Hosi Peterborough Vizita Fatima, Portugal
Timoroan nain 6 iha sidadi Peterborough, Inglaterra, halo vizita ba rai Santa Fatima, Portugal, hodi selebra loron importanti Nossa Senhora de Fatima, 13 de Maio de 2012.
Ho sira nia inisiativa rasik, Timor oan nain 6 maka: Mario, Manuel, Remigio, Abilio, Joao Matas, Rosalino no Edgar, sai hosi Peterborough dia 11 de Maio.
13 de Maio hanesan loron ida importanti iha kalendariu katoliku nian tamba Nossa Senhora mosu ba bibi atan nain tolu Francisca Marto, Jacinta Marto no Lucia.de Jesus Santos iha 13 de Maio de 1917, iha Cova da Iria, Portugal.
quarta-feira, 2 de maio de 2012
Komunidadi Timor Halo Parti Iha Forum
East Timor Community halo parti iha Peterborough Community Forum Group nebe bolu naran Forum. Forum hanesan fatin ida halibur komunidadi oi-oin iha sidadi Peterborough, Inglaterra.
Iha reuniaun Forum nian, dia 30 de Abril liu, iha Unity Hall, membrus Forum koalia konaba Konstituisaun, Estrutura no Programa ba Futuru. Hosi Komunidadi Timor partisipa iha reuniaun ne maka Celso Oliveira.
CO
quinta-feira, 26 de abril de 2012
Historia Badak Ida Konaba Timor FC in Peterborough
Hamutuk ho Dean Watson, Officer Football iha Peterboroug
Friendship Polish vs Timor FC, 2010
Manan tasa "Best Team" iha Refugee Week 2011
Partisipa iha Jogo Anti Racism "One Game, One Community", Northampton, Out 2011
Membro official Timor FC halo rejisto hodi partisipa iha Peterborough International League.
Foto hamutuk ho Dean Watson, Officer Footboll Peterborough no Gabriel Zukaine, Defesa Peterborough United
Timor FC hanesan Runner-Up iha Peterborough International League, 7side, 2011/2012
Iha sidadi Peterborough, Inglaterra, oras ne’e
daudaun moris Timor oan barak, entre 300-400. Maioria moris nudar trabalhador. Balun servisu
dader, balun lokoraik no balun kalan.
Nudar trabalhador lao rai, Timor oan sira ne’e
okupa sira nia tempu barak liu iha servisu fatin (fabrika ai-fuan, fabrika
hahan, etc...). Ba sira, uma hanesan fatin atu deskansa/toba deit. Tempu barak
liu sira uza iha servisu fatin.
Maibe, iha sidadi ne’e ezisti grupo desportivo “futebol”
nebe bolu naran Timor FC in Peterborough.
Historia tebe bola Timor oan nian iha sidadi Peterborough
laos foin mak komesa. Maibe, desde 2002, kuandu Timor oan sira komesa tama iha
sidadi Peterborough, sira sempre bolu malun (liu-liu iha tempu rai manas ou
tempu folga) hodi ba tebe bola ou hasai kosar iha kampu futebol Gladstone.
Maibe, ofisialmente, grupo Timor FC iha
Peterborough foin komesa tuir kompetisaun iha sidadi Peterborough iha tinan
2011. Ida ne’e akontese tamba hafoin iha 2009 komesa mosu fali grupo oan ida kompostu
hosi jogadores nasionais balun hosi Baucau, Dili, no distritu seluk tan nebe dinamiku
i ativu.
Iha 2010 Timor FC halo kontatu ho Sr. Dean Watson,
ofisial futebol iha Peterborough hodi fo konsehimentu Timor FC ninia existensia ba nia. Mr. Dean
hatudu ninia apoio i husu atu Timor FC in peterborough partisipa iha eventu
desportivu iha sidadi Peterborough. Mr. Dean dehan “desportu importanti ba lao rai sira hodi bele halakon stress, hodi
mantein ekilibru iha isin no klamar”.
Iha Junho 2011, primeira vez Timor FC in
Peterborough partisipa iha turnamentu hodi selebra loron refujiadu iha sidadi
Peterborough. Iha turnamentu ne’e, Timor FC, hetan tasa “Best Team” iha kompetisaun
futebol “refugee week 2011”. Iha fulan Outubro 2011, Mr. Dean husu jogadores
nain tolu hosi Timor FC hodi partisipa iha jogo anti rasismu “One Game, One
Community” nebe halo iha Northampton ,
no, iha Peterborough International League, 7side, tinan 2011/2012, Timor FC hetan “Runner-up”.
Oras ne’e, Timor FC iha Peterborough ninia treinador
maka Demetrio da Silva. Membrus ofisiais Timor FC in Peterborough maka Zito
Carvalho (presidente), Severino Carvalho (sekretariu) no sira seluk tan.
Ezistensia Timor FC in Peterborough mai hosi kuota
ou kontribuisaun membrus ofisiais no komunidadi balun nebe hatudu sira nia
interesse ba Timor FC.
Celso Oliveira,
Responsavel ba Media iha Timor FC in Peterborough
terça-feira, 13 de março de 2012
Representanti Timor Leste iha UK Vizita Timoroan iha Peterborough
Left to right: Ana Rosa Soares, Rita Ribeiro, Jawaid Khan (Cohesion Manager), Dr. Luis Corte-Real, Celso Oliveira, Sister Mary Clare, Zito Carvalho, Fr. Paul, Estanislau Ximenes and Zito Araujo.
Left to right: Sergeant Sharon Nicolson, Dr. Luis Corte-Real, Salavador Silva, Rita Ribeiro and Sister Mary Clare
Left to right: Zito Araujo, Estanislau Ximenes, Ana Rosa Soares and Fr. Paul
Left to right: Zito Carvalho, Demetrio da Silva, Zito Araujo and Estanislau Ximenes
Konsul Timor Leste iha UK, Dr. Luis Corte-Real ho nia Sekretaria, Francisca Rita Ribeiro, halo vizita duranti loron rua ba Timoroan iha sidadi Peterborough, UK, iha loron 9-10 fulan Marsu 2012. Objektivus hosi vizita ne'e atu koalia ho autoridadi lokal konaba Timoroan iha Peterborough no rona difikuldadis no problemas nebe Timoroan hasoru iha sidadi Peterborough, no mos, atu halo preparasaun ba festa Independensia, 20 de Maio de 2012.
Duranti vizita ne'e, iha loron 9/03, Sexta feira, tuku 4.30 lokoraik oras UK, representante Timor iha UK, Dr. Luis Corte-Real hamutuk ho komunidadi Timorense iha Peterborough hasoru ho Autoridadi Lokal hodi fo'o konhesimentu ba Autoridadi Lokal katak Timoroan iha Peterborough la hamrik mesak maibe iha mos konhesimentu hosi governu Timor Leste.
Objektivu iha sorumotu ne'e atu halo servisu hamutuk ho Autoridadi lokal hodi halo preparasaun atu selebra tinan 10 loron Independensia Nasional nebe ofisialmente sei halo iha sidadi Peterborough, loron 20 Maio tinan ida ne'e.
Iha fali Sabadu, 10/03, komesa tuku 4 lokoraik oras UK to'o remata, Assosiasaun Timor iha Peterborough organiza enkontru geral entre Konsul Timor Dr. Luis Corte-Real ho komunidadi Timor Leste iha Peterborough. Iha hasoru malun ne'e, Konsul koalia konaba Governu Timor Leste nia progressu no rona ho atensaun difikuldadis, problemas no isu oi-oin nebe Timoroan hetan iha sidadi Peterborough. Halibur malun ne'e hotu ho han-hemu no rona muzika tradisional Timor Leste nian.
Konsulado Geral de Portugal Kansela Vizita
Representante timor Leste iha Manchester haruka mos convite ba iha Consulado Geral de Portugal iha Londres atu partisipa iha encontro ne, tamba Consulado Timor Leste iha Manchester hamrik iha Consulado Geral de Portugal nia edificio halo servico cooperacao ho portugues, i comunidade Timor Leste iha peterborough pertencia ba area Londres no mos hetan duplo nacionalidade ka Luso Timorense, maibe sira la mai sem razaun ida.
"Fofoun sira dehan atu mai, maibe to'o ikus sira telfone hodi husu desculpa tamba labele atende iha encontro ida ne'e. Tamba nee mak ami husu ba Governo timor atu bele loke
lalais ita nia Embaixada iha Londres. Tamba wainhira Embaixada Timor Leste iha Reino Unido loke ona entaun sei tulun Timoroan barak nebe namkari iha UK", dehan Dr. Luis Corte-Real.
Uma Timor ba Komunidadi Timor iha Peterborough
Iha intervensaun nudar ema katuas no membru Assosiasaun Timor iha Peterborough, Sr. Estanislau Ximenes hato'o "boas vindas" ba Konsul ho nia komitiva. "Ho laran ksolok tebes mak komunidadi Timor simu vizita hosi Konsul Timor iha sidadi Peterborough", dehan Estanislau Ximenes. Iha intervensaun ne'e, Sr. Estanislau Ximenes mos hato'o proposta ba Governu Timor Leste liu hosi Konsul Timor iha UK atu fo'o suporte finanseira ba komunidadi Timoroan iha Peterborough hodi hari Uma Timor ida atu nune bele halibur Timoroan hotu iha Peterborough.
Hatan ba intervensaun ne'e, Dr. Luis Corte-Real husu atu komunidadi Timor iha Peterborough halo proposta diak no kredivel hodi Konsul bele hato'o ba Governu Timor.
Assosiasaun Timor iha Peterborough
Assosiasaun Timor iha Peterborough hanesan assosiasaun nebe halibur Timoroan hotu iha Peterborough. Hamrik desde Fevereiru 2010 hetan suporte hosi Igreja Katolika St. Peter and All Soul's iha Peterborough. Membru nain 5 hanesan fundador maka: Ana Rosa Soares, Zito Araujo, Cristovao da Costa, Estanislau Ximenes no Celso Oliveira. Iha enkontru ba daruak, bolu tan Salvador Silva no Clara Jeronimo hodi servisu iha Relasoen Publikas. To'o oras ne'e Assosiasaun halo ona aktividadis barak, komesa hosi desportivas, expozisaun,grupu koro no seluk-seluk tan. Fim.
Texto: Celso Oliveira
domingo, 4 de março de 2012
Mariano no Nocky Marka Golo Rua Lori Vitoria ba Timor FC

Timor FC iha Peterborough manan ida no empata ida iha turnamento football Peterborough International League nebe realiza ohin 05/03, tuku 6-7.
Iha primeiru jogo, Timor FC hasoru AFF United hetan resultadu emapata (0-0).
Iha segundu Jogo, Timor FC hasoru Axiom Fair Foyer United hetan resultadu (2-0).
Iha segundu jogo, nebe lori vitoria ba Timor FC, jogador nain rua Mariano Sousa no Nocky Simoes konsege marka golo 2 ba baliza Axiom Fair Foyer United.
Texto: Celso Oliveira
Foto: Anizo
Subscrever:
Mensagens (Atom)






.jpg)



